Лондоннинг “Челси” клуби ёзда бош мураббийи Маурисио Почеттинони истеъфога чиқариши мумкин. Журналист Сами Мокбелнинг хабарига кўра, клуб аргентиналик мутахассис билан хайрлашиш ғоясини жиддий ўйлаб кўрмоқда.
Манбанинг хабар беришича, “Челси”нинг янги бош мураббийи лавозимига асосий фаворит раҳбарият анчадан бери кузатиб келаётган Рубен Аморимдир. Бироқ Юрген Клоппга ўринбосар қидираётган "Ливерпуль" ҳам португалияликни таклиф қилишга қизиқмоқда.
Эслатиб ўтамиз, Почеттино бошчилигидаги “Челси” эндиликда Европа лигасига чиқиш учун кураш олиб бормоқда. Жамоа Премьер-лигада тўққизинчи ўринни эгаллаб турибди, аммо уни олтинчи ўриндан атиги уч очко ажратиб турибди.
