"Real Madrid" bosh murabbiyi Karlo Anchelotti darvozabon Kepa Arrisabalaganing munosabatidan juda mamnun bo‘ldi. Ispaniyalik futbolchi Andrey Luninga raqobatda mag‘lub bo‘ldi va noyabr oyida asosiy tarkibdagi o‘rnini boy berdi. Shunga qaramay, darvozabon taslim bo‘lmadi va mashg‘ulotlarda astoydil harakat qilishda davom etmoqda.
Relevo xabariga ko‘ra, Anchelotti Kepani Ispaniya chempionatining qolgan o‘yinlaridan birida maydonga tushirish orqali unga hurmat ko‘rsatmoqchi. Eslatib o‘tamiz, La Liga yakunlanishiga 6 ta tur qoldi. Arrisabalaga keyingi o‘yinda "Real Sosyedad"ga qarshi o‘ynashi mumkin.
Eslatib o‘tamiz, Kepa joriy mavsum “Real”da “Chelsi”dan ijara asosida o‘ynamoqda. "Los-Blankos" ispaniyalikni to‘liq sotib olmaydi.
