"Реал Мадрид" бош мураббийи Карло Анчелотти дарвозабон Кепа Аррисабалаганинг муносабатидан жуда мамнун бўлди. Испаниялик футболчи Андрей Лунинга рақобатда мағлуб бўлди ва ноябрь ойида асосий таркибдаги ўрнини бой берди. Шунга қарамай, дарвозабон таслим бўлмади ва машғулотларда астойдил ҳаракат қилишда давом этмоқда.
Relevo хабарига кўра, Анчелотти Кепани Испания чемпионатининг қолган ўйинларидан бирида майдонга тушириш орқали унга ҳурмат кўрсатмоқчи. Эслатиб ўтамиз, Ла Лига якунланишига 6 та тур қолди. Аррисабалага кейинги ўйинда "Реал Сосьедад"га қарши ўйнаши мумкин.
Эслатиб ўтамиз, Кепа жорий мавсум “Реал”да “Челси”дан ижара асосида ўйнамоқда. "Лос-Бланкос" испанияликни тўлиқ сотиб олмайди.
