"Manchester Yunayted" yozgi transfer oynasida o‘ng qanot himoyachisini kuchaytirmoqchi.
Mavsum yakunlangach, “qizil iblislar” tarkibida ko‘plab o‘zgarishlar bo‘lishi mumkin. Insayder Nikolo Skiraning so‘zlariga ko‘ra, klub allaqachon o‘ng qanot himoyachisini sotib olish ustida faol ishlamoqda. Avvalroq ko‘p marta xabar qilinganidek, mankunianliklar "Bayer"dan Jeremi Frimpongga qiziqish bildirmoqda. Angliya grandining skautlari 23 yoshli niderlandiyalikning o‘yinini bir necha bor tomosha qilishgan.
Bu mavsumda "Manchester Yunayted"da himoyaning o‘ng qanotida Diogu Dalot va Aaron Van-Bissaka harakat qilmoqda. Mish-mishlarga ko‘ra, ular yozda ketishi mumkin.
