Osiyo chempionatidan qaytib kelgan dzyudo bo‘yicha terma jamoamiz endi Dushanbe "Katta Dubulg‘a" turniri uchun tayyorgarlikka e’tibor qaratadi.
Bu yildan ilk bor Tojikiston poytaxtida ham "Katta Dubulg‘a" turkumiga kiruvchi turnir o‘tkaziladi.
O‘tgan yili Dushanbeda Gran-pri turniri o‘tkazilgan edi. 3-5 may kunlari tashkil etiladigan musobaqada ishtirok etish istagini hozirgacha sayyoramizning 5 qit’asi 72 davlatidan jami 446 nafar (242 erkak, 204 ayol) dzyudochi bildirgan.
Aniqrog‘i, federasiyalar o‘z tarkiblarini Xalqaro dzyudo federasiyasi rasmiy saytida ro‘yxatdan o‘tkazgan.
Bu ro‘yxatga hali o‘zgartirishlar kiritilishi mumkin. Tabiiyki, ushbu 72 davlat orasida O‘zbekiston terma jamoasi ham bor.
