“Arsenal”ga qarshi kechgan bahsda jarohat sabab qatnasha olmagan Palmer “Chelsi” mashg‘ulotlariga qaytdi.

Yarim himoyachi butun mavsum davomida “Chelsi” safida ajoyib mavsum o‘tkazmoqda. Futbolchining Premyer Ligadagi 20 ta goli uni “Manchester Siti” futbolchisi Erling Holand bilan birga to‘purarlar bahsida peshqadamlik qilishini ta’minlab turibdi.

Maurisio Pochettino London klubi futbolchilariga Palmer yo‘qligida shunchaki bir kishilik jamoa emasligini ko‘rsatishga chaqirgan edi. Ammo jamoa o‘z o‘yinini ko‘rsata olmadi.

“Chelsi” shanba kuni "Villa Park"da to‘rtinchi o‘rindagi “Aston Villa”ga qarshi yana bir katta qiyin bahsda ishtirok etadi. Palmer payshanba kuni mashg‘ulotlarga qaytdi va u shanba kungi o‘yingacha tayyor bo‘ladi.

Kristofer Nkunku ham jarohatidan forig‘ bo‘ldi, biroq Pochettinoning ta’kidlashicha, futbolchi shanba kungi bahslarga tayyor bo‘la olmaydi.

Himoyachi Ris Jeyms ham jarohatidan tiklanish jarayonida, ammo uning qachon safga qaytishi ma’lum emas.

“Chelsi” hozirda Premyer Ligada 9-o‘rinni egallab turibdi va hali ham yevrokuboklarda ishtirok etish imkoni mavjud.