Yakshanba kuni Angliya Premyer-ligasida "Tottenxem" va "Arsenal" o‘rtasida "London derbisi" bo‘lib o‘tadi. "Kanonirlar" ustozi Mikel Arteta raqibi - Anj Postekoglu haqida fikr bildirdi.
"Uning qilgan ishi haqiqatan ham ta’sirli. Buning ajablanarli joyi yo‘q, chunki men uni Avstraliya terma jamoasi bilan ishlagandan beri bilaman. Men unga ergashishda davom etdim, uning "Seltik" jamoasini ko‘rdim. Anj har doim o‘z jamoasining o‘yin yo‘nalishi va xarakterini aniq belgilab bergan. Menga uning jamoalarining o‘yinlari yoqadi, shuning uchun u juda zo‘r deb o‘ylayman", dedi Arteta matbuot anjumanida.
Eslatib o‘tamiz, "Arsenal" joriy mavsum chempionlik uchun, "Tottenxem" esa Chempionlar Ligasiga yo‘llanma olish uchun kurashmoqda.
