Якшанба куни Англия Премьер-лигасида "Тоттенхэм" ва "Арсенал" ўртасида "Лондон дербиси" бўлиб ўтади. "Канонирлар" устози Микель Артета рақиби - Анж Постекоглу ҳақида фикр билдирди.
"Унинг қилган иши ҳақиқатан ҳам таъсирли. Бунинг ажабланарли жойи йўқ, чунки мен уни Австралия терма жамоаси билан ишлагандан бери биламан. Мен унга эргашишда давом этдим, унинг "Селтик" жамоасини кўрдим. Анж ҳар доим ўз жамоасининг ўйин йўналиши ва характерини аниқ белгилаб берган. Менга унинг жамоаларининг ўйинлари ёқади, шунинг учун у жуда зўр деб ўйлайман", деди Артета матбуот анжуманида.
Эслатиб ўтамиз, "Арсенал" жорий мавсум чемпионлик учун, "Тоттенхэм" эса Чемпионлар Лигасига йўлланма олиш учун курашмоқда.
