“Arsenal” va “Manchester Siti” klublarining sobiq yarim himoyachisi Samir Nasri Braziliya terma jamoasining sobiq futbolchilari Ronaldo va Ronaldinyoni “Barselona”ning sobiq hujumchisi Lionel Messi, shuningdek, “Real”ning sobiq hujumchisi Krishtianu Ronaldu bilan solishtirdi.
"Agar Ronaldo va Ronaldinyo jiddiyroq bo‘lganida, sof iqtidorini hisobga olsak, ular Lionel Messi va Krishtianu Ronalduni ham ortda qoldirgan bo‘lardi", - dedi Nasri.
Joriy mavsumda Messi barcha musobaqalarda to‘qqizta o‘yinda qatnashib, to‘qqizta gol urdi va beshta golli uzatmani amalga oshirdi. Ronaldu barcha musobaqalarda 37 ta o‘yin o‘tkazib, 36 ta gol urdi va 12 ta golli uzatmani amalga oshirdi.
