Ispaniyaning “Valensiya” klubi darvozaboni Giorgi Mamardashvili kelasi mavsumni yangi jamoasida boshlashi mumkin. Todofichajes jurnalistlarining yozishicha, gruziyalik darvozabonni transfeirga Fransiyaning "PSJ" klubi qiziqmoqda.
Jamoa bosh murabbiyi Luis Enrike italiyalik Janluiji Donnarummaning o‘yinidan norozi bo‘lib, unga o‘rinbosar izlay boshladi. Nomzodlar orasida Mamardashvili ham bor. Mumkin transfer summasi 35 million yevroga baholanmoqda.
Georgiyning "ko‘rshapalaklar" bilan tuzilgan mehnat shartnomasi muddati 2027 yilning yoziga qadar hisoblanadi. La Liganing joriy mavsumida gruziyalik futbolchi 32 ta o‘yin o‘tkazib, 34 ta gol o‘tkazib yubordi.
