Italiya chempionati 34-turidan o‘rin olgan o‘yinda “Inter” o‘z maydonida “Torino”ni mag‘lub etdi – 2:0.
49-daqiqada “Torino” yarim himoyachisi Adriyen Tamez qizil kartochka olib, jamoasini ozchilikda qoldirdi. Shundan so‘ng, “Inter” futbolchisi Xoqon Chalxanoglu 56 va 60-daqiqalarda raqib darvozasini ishg‘ol qilib, dubl qayd etdi.
22 aprel kuni “Inter” 2023/24 yilgi mavsumda muddatidan avval Italiya chempioniga aylandi. Jamoa 34 uchrashuvda 89 ochko jamg‘argan. "Torino" 46 ochko bilan A Seriya turnir jadvalida 10-o‘rinda bormoqda.
