Италия чемпионати 34-туридан ўрин олган ўйинда “Интер” ўз майдонида “Торино”ни мағлуб этди – 2:0.
49-дақиқада “Торино” ярим ҳимоячиси Адриен Тамез қизил карточка олиб, жамоасини озчиликда қолдирди. Шундан сўнг, “Интер” футболчиси Хоқон Чалханоглу 56 ва 60-дақиқаларда рақиб дарвозасини ишғол қилиб, дубл қайд этди.
22 апрель куни “Интер” 2023/24 йилги мавсумда муддатидан аввал Италия чемпионига айланди. Жамоа 34 учрашувда 89 очко жамғарган. "Торино" 46 очко билан А Серия турнир жадвалида 10-ўринда бормоқда.
