Matbuotda "Barselona" yozgi transfer oynasida yarim himoyachi Frenki de Yongni sotishga tayyorligi haqida ma’lumot paydo bo‘ldi. "Ko‘k-anorranglilar" bosh murabbiyi Xavi matbuot anjumanida bu haqda fikr bildirdi. Mutaxassis de Yong bilan xayrlashmoqchi emasligini aniq aytdi.
“Men uchun De Yong asosiy futbolchi. Hech narsa o‘zgarmadi, u men uchun juda muhim. Unga ko‘p jarohatlar bilan omad kulib boqmadi, lekin uning saviyasi doimo a’lo darajada edi. Menimcha, Frenki asosiy futbolchi”, - deydi Xavi.
“Barselona” Ispaniya chempionatining navbatdagi o‘yinini 29 aprel, dushanba kuni “Valensiya”ga qarshi o‘tkazadi.
