"Manchester Siti" hujumchisi Erling Xoland "Nottingem Forest" ustidan qozonilgan g‘alabadan so‘ng jurnalistlar savollariga javob berdi.

Norvegiyalik futbolchi Angliya Premyer-ligasining yakshanba kuni “Nottingem Forest”ga (2:0) qarshi o‘yinning 62-daqiqasida zaxiradan maydonga tushdi va 71-daqiqada gol urib, tablodagi yakuniy hisobni o‘rnatdi. Eslatib o‘tamiz, forvard jarohati sabab oldingi ikki uchrashuvni o‘tkazib yuborgandi.

“Asosiysi g‘alaba qozonish va diqqatni jamlash. Eng muhimi, ko‘p o‘ylamaslikdir, ayniqsa bunday paytlarda. Siz faqat ishingizni qilishingiz kerak. Siz doimo o‘ylab aqldan ozishingiz mumkin, undan ko‘ra dam olishingiz, zavqlanishingiz va keyin navbatdagi o‘yinga e’tibor qaratishingiz muhimroq", - deya Xolandning so‘zlarini keltiradi "Manchester Siti" matbuot xizmati.