"Манчестер Сити" ҳужумчиси Эрлинг Холанд "Ноттингем Форест" устидан қозонилган ғалабадан сўнг журналистлар саволларига жавоб берди.
Норвегиялик футболчи Англия Премьер-лигасининг якшанба куни “Ноттингем Форест”га (2:0) қарши ўйиннинг 62-дақиқасида захирадан майдонга тушди ва 71-дақиқада гол уриб, таблодаги якуний ҳисобни ўрнатди. Эслатиб ўтамиз, форвард жароҳати сабаб олдинги икки учрашувни ўтказиб юборганди.
“Асосийси ғалаба қозониш ва диққатни жамлаш. Энг муҳими, кўп ўйламасликдир, айниқса бундай пайтларда. Сиз фақат ишингизни қилишингиз керак. Сиз доимо ўйлаб ақлдан озишингиз мумкин, ундан кўра дам олишингиз, завқланишингиз ва кейин навбатдаги ўйинга эътибор қаратишингиз муҳимроқ", - дея Холанднинг сўзларини келтиради "Манчестер Сити" матбуот хизмати.
