"Manchester Yunayted" hujumchi Meyson Grinvudni asosiy jamoaga qaytarish imkoniyatini istisno qilmayapti.
The Times nashri xabariga ko‘ra, agar bu yozda Grinvudni sotish ish bermasa, qizil iblislar ushbu variantni ko‘rib chiqmoqda. Avvalroq "Yuventus" 22 yoshli Grinvudni o‘z safiga qo‘shib olishi mumkinligi haqida xabar berilgandi, ammo turinliklar angliyalikni arzonlashtirilgan narxda transfer qilmoqchi.
Meyson Grinvud hozirda "Xetafe"da ijara asosida o‘ynamoqda. 2023/2024 yilgi mavsumda hujumchi 31 ta o‘yin o‘tkazib, o‘z sheriklari safida 10 ta gol va 6 ta golli uzatmani amalga oshirgan.
