"Манчестер Юнайтед" ҳужумчи Мэйсон Гринвудни асосий жамоага қайтариш имкониятини истисно қилмаяпти.
The Times нашри хабарига кўра, агар бу ёзда Гринвудни сотиш иш бермаса, қизил иблислар ушбу вариантни кўриб чиқмоқда. Аввалроқ "Ювентус" 22 ёшли Гринвудни ўз сафига қўшиб олиши мумкинлиги ҳақида хабар берилганди, аммо туринликлар англияликни арзонлаштирилган нархда трансфер қилмоқчи.
Мэйсон Гринвуд ҳозирда "Хетафе"да ижара асосида ўйнамоқда. 2023/2024 йилги мавсумда ҳужумчи 31 та ўйин ўтказиб, ўз шериклари сафида 10 та гол ва 6 та голли узатмани амалга оширган.
