Eksekiel Palasios Lionel Messining Argentina terma jamoasida abadiy o‘ynashini xohlaydi.
"Hozircha Messi faoliyatini davom ettirmasligi haqida gapirmaylik. Terma jamoani Messisiz tasavvur etib bo‘lmaydi. Biz hammamiz uning abadiy bo‘lishini va har doim biz uchun o‘ynashini xohlaymiz.
Biz Di Mariyaning faoliyatini tugatishini istamaymiz. U boshqalardan farqli o‘laroq, mamlakatimiz uchun tarixiy ahamiyatga ega bo‘lgan noyob futbolchi. Agar u nafaqaga chiqsa, biz u bilan har bir mashg‘ulot, har bir yig‘in va har bir o‘yindan unumli foydalanishga majbur bo‘lamiz, chunki bunday fazilatlarga ega futbolchi bilan o‘ynash biz uchun katta sharaf", - dedi "Bayer" va Argentina terma jamoasi yarim himoyachisi.
