Diyego Maradonaning o‘limi sabablari bo‘yicha yangi ekspert xulosasi tayyorlandi.

Maradonaning shifokorlari va tarbiyachilariga qarshi sud jarayoni boshlanishidan bir oy oldin yangi ekspert xulosasi taqdim etilgan edi, unga ko‘ra argentinalik to‘satdan yurak xurujidan vafot etgandi.

O‘lim bir necha daqiqa yoki bir necha soat ichida sodir bo‘lgan deb taxmin qilinadi. Biroq avvalgi ekspert xulosasida aytilishicha, Maradonaning iztirobi taxminan o‘n ikki soat davom etgan.

Prokuratura yangi xulosani rad etdi, chunki uning muallifi kardiologiya sohasidagi mutaxassis emas va hujjatni 72 soat ichida tayyorlagan.

“Bizning nuqtai nazarimizdan, bu holat masalani o‘zgartirmaydi. Ekspertning versiyasi fanlararo komissiyaning 21 nafar mutaxassislarining uch oy davomida ishlagan hisobotiga ziddir", — dedi prokuror Patrisio Ferrari.

Afsonaviy argentinalik futbolchi 2020-yilning 25-noyabrida vafot etdi. O‘sha oyda Maradonaning shifokori ehtiyotsizlikda gumon qilinib, tergov ostida ekani xabar qilingandi.

Izlanishlar shuni ko‘rsatdiki, Diyego surunkali yurak yetishmovchiligining kuchayishi natijasida kelib chiqqan o‘tkir o‘pka shishi natijasida vafot etgan.

2021-yil mart oyida Argentinada “U o‘lmadi, o‘ldirildi” shiori ostida marsh tashkil etildi, uning ishtirokchilari sobiq futbolchining o‘limi holatlarini tekshirishni talab qilishdi.