Pep Gvardiola 2016 yilda "Manchester Siti" bosh murabbiyiga aylangandi. "Shaharliklar"ning sobiq futbolchisi Gael Klishi ispaniyalik murabbiyning inglizlar jamoasidagi ilk nutqini oshkor qildi.
One Football nashri xabariga ko‘ra, Gvardiola quyidagi fikrlarni aytgan: "Men jamoangizni bir yildan beri kuzataman - juda ko‘p semiz o‘yinchilar bor. Hech bir futbolchi men bilan har bir uchrashuvda o‘ynamaydi, buni qabul qiling. Agar kimdir bundan mamnun bo‘lmasa, mening oldimga kelib, transferni so‘rashingiz mumkin. Agar qolsangiz, qishki transfer oynasigacha bu haqda bir og‘iz ham so‘z eshitishni istamayman".
Aytish joizki, Gvardiolaning birinchi mavsumidan keyin "Manchester Siti" tarkibi sezilarli darajada o‘zgardi.
