Пеп Гвардиола 2016 йилда "Манчестер Сити" бош мураббийига айланганди. "Шаҳарликлар"нинг собиқ футболчиси Гаэль Клиши испаниялик мураббийнинг инглизлар жамоасидаги илк нутқини ошкор қилди.
One Football нашри хабарига кўра, Гвардиола қуйидаги фикрларни айтган: "Мен жамоангизни бир йилдан бери кузатаман - жуда кўп семиз ўйинчилар бор. Ҳеч бир футболчи мен билан ҳар бир учрашувда ўйнамайди, буни қабул қилинг. Агар кимдир бундан мамнун бўлмаса, менинг олдимга келиб, трансферни сўрашингиз мумкин. Агар қолсангиз, қишки трансфер ойнасигача бу ҳақда бир оғиз ҳам сўз эшитишни истамайман".
Айтиш жоизки, Гвардиоланинг биринчи мавсумидан кейин "Манчестер Сити" таркиби сезиларли даражада ўзгарди.
