Qatar mezbonlik qilayotgan U-23 Osiyo kubogi musobaqasida 4 nafar o‘zbekistonlik hakam va bir nafar nazoratchi ishtirok etmoqda.

Musobaqa 3-o‘rini egasini hal qiluvchi Iroq – Indoneziya bahsi rasmiylari e’lon qilindi. Uchrashuv rasmiylari qatorida o‘zbekistonlik Vladislav Seytlinning ham borligini e’tirof etish lozim.

Ushbu uchrashuvda nazoratchi saudiyalik Majid Muhammad al-SHammariy boschiligidagi hakamlar jamoasining ishini baholashi ko‘zda tutilgan.

Mazkur bahs Toshkent vaqti bilan 2 may kuni soat 20:30 da start oladi.

Musobaqaning final bahsida esa O‘zbekiston U-23 terma jamoasi hamda Yaponiya o‘zaro to‘qnash keladi.