Avstriya terma jamoasi bosh murabbiyi Ralf Rangnik nega "Bavariya"da ishlashdan bosh tortishga qaror qilganini tushuntirdi. Mutaxassis Tomas Tuxel o‘rniga ustuvor nomzod edi, ammo rahbariyat endi boshqa murabbiy izlashiga to‘g‘ri keladi.
“Avstriya terma jamoasidagi ishimga chin yurakdan yondashaman. Menga qiyinchilik juda yoqadi va biz tanlagan yo‘lda muvaffaqiyatli davom etishga qaror qildim. Shuni aniq ta’kidlamoqchimanki, bu "Bavariya"ni rad etish emas, aksincha, hozirgi jamoa va maqsadlarga e’tibor qaratish qaroridir. Biz to‘liq e’tiborimizni yevroga qaratganmiz. Biz imkon qadar oldinga siljish uchun qo‘limizdan kelgan barcha ishni qilamiz", - dedi Rangnik Avstriya terma jamoasining rasmiy saytidagi bayonotida.
