Австрия терма жамоаси бош мураббийи Ральф Рангник нега "Бавария"да ишлашдан бош тортишга қарор қилганини тушунтирди. Мутахассис Томас Тухель ўрнига устувор номзод эди, аммо раҳбарият энди бошқа мураббий излашига тўғри келади.
“Австрия терма жамоасидаги ишимга чин юракдан ёндашаман. Менга қийинчилик жуда ёқади ва биз танлаган йўлда муваффақиятли давом этишга қарор қилдим. Шуни аниқ таъкидламоқчиманки, бу "Бавария"ни рад этиш эмас, аксинча, ҳозирги жамоа ва мақсадларга эътибор қаратиш қароридир. Биз тўлиқ эътиборимизни еврога қаратганмиз. Биз имкон қадар олдинга силжиш учун қўлимиздан келган барча ишни қиламиз", - деди Рангник Австрия терма жамоасининг расмий сайтидаги баёнотида.
