"Liverpul" hujumchisi Muhammad Saloh kelasi yozda Saudiya Arabistonida o‘ynashi mumkin. Mahalliy klublar 31 yoshli misrlik futbolchining o‘zi "Liverpul"ni tark etish istagini bildirsagina, uni qo‘lga kiritishga harakat qiladi.
Salohning mersisaydliklar klubi bilan shartnomasi 2025 yilning yozida yakuniga yetadi. Avvalroq misrlik o‘z kelishuvini oxirigacha ishlab chiqish niyatida ekani, shu bois Saudiya Arabistoniga transfer hozircha dargumon deb ko‘rilayotgani haqida xabar berilgandi.
Transfermarkt Salohni 65 million yevroga baholamoqda. Joriy mavsumda hujumchi Premyer-ligada 17 ta gol urdi va 9 ta golli uzatmani amalga oshirdi.
