"Ливерпуль" ҳужумчиси Муҳаммад Салоҳ келаси ёзда Саудия Арабистонида ўйнаши мумкин. Маҳаллий клублар 31 ёшли мисрлик футболчининг ўзи "Ливерпул"ни тарк этиш истагини билдирсагина, уни қўлга киритишга ҳаракат қилади.
Салоҳнинг мерсисайдликлар клуби билан шартномаси 2025 йилнинг ёзида якунига етади. Аввалроқ мисрлик ўз келишувини охиригача ишлаб чиқиш ниятида экани, шу боис Саудия Арабистонига трансфер ҳозирча даргумон деб кўрилаётгани ҳақида хабар берилганди.
Transfermarkt Салоҳни 65 миллион еврога баҳоламоқда. Жорий мавсумда ҳужумчи Премьер-лигада 17 та гол урди ва 9 та голли узатмани амалга оширди.
