Italiya top-klublari “Bolonya” hujumchisi Joshua Zirkzee uchun kurashdan chiqib ketishdi. “Inter”dan keyin “Milan” va Turinning “Yuventus” klublari ham niderlandiyalik futbolchini transfer qilishdan bosh tortdi.
Xabarlarga ko‘ra, Zirkzee uchun poygada favorit Londonning "Arsenal" jamoasi hisoblanadi. Italiya klublari moliyaviy jihatdan "kanonirlar" bilan raqobatlasha olmasligini his qilishdi. Eslatib o‘tamiz, “Bolonya” Zirkzee uchun tovon puli sifatida 50 million yevro talab qilmoqda.
22 yoshli futbolchi Italiya chempionatida 11 ta gol va 4 ta golli uzatmani amalga oshirdi. "Bavariya"ning sobiq futbolchisi A Seriyadagi ikkinchi mavsumini o‘tkazmoqda.
