Италия топ-клублари “Болонья” ҳужумчиси Жошуа Зиркзее учун курашдан чиқиб кетишди. “Интер”дан кейин “Милан” ва Туриннинг “Ювентус” клублари ҳам нидерландиялик футболчини трансфер қилишдан бош тортди.
Хабарларга кўра, Зиркзее учун пойгада фаворит Лондоннинг "Арсенал" жамоаси ҳисобланади. Италия клублари молиявий жиҳатдан "канонирлар" билан рақобатлаша олмаслигини ҳис қилишди. Эслатиб ўтамиз, “Болонья” Зиркзее учун товон пули сифатида 50 миллион евро талаб қилмоқда.
22 ёшли футболчи Италия чемпионатида 11 та гол ва 4 та голли узатмани амалга оширди. "Бавария"нинг собиқ футболчиси А Сериядаги иккинчи мавсумини ўтказмоқда.
