"PSJ" va Fransiya terma jamoasi himoyachisi Lyuka Ernandes Chempionlar ligasi doirasidagi Dortmundning "Borussiya" klubiga qarshi birinchi yarim final o‘yinida chap tizzasining oldingi xoch bog‘lamini yirtib oldi. Bu haqda klub matbuot xizmati rasman xabar berdi.
Futbolchi yaqin kunlarda jarrohlik amaliyotidan o‘tishi, so‘ngra uzoq muddat tiklanishi kerak bo‘ladi.
Shu tariqa, Ernandes Germaniyada bir yarim oydan keyin boshlanadigan Yevropa chempionatida Fransiya termasiga yordam bermasligi aniq bo‘ldi. Odatda, bunday jarohatlardan so‘ng futbolchilar olti oydan ko‘proq davolanadi, demak, Ernandesni faqat keyingi mavsum maydonda ko‘rishimiz mumkin.
