“Srvena Zvezda” ketma-ket 7-marta Serbiya chempioniga aylandi.

Kecha Belgrad jamoasi "Bachka Topola" klubini mag‘lub etdi (2:1) va 84 ochko jamg‘arib, muddatidan avval chempionlikni qo‘lga kiritdi.

Eng yaqin raqib “Partizan” chempionat tugashiga 4 tur qolganda 70 ochkoga ega, 14 ochko kam. Bu jamoa oxirgi marta 2016/2017 yilgi mavsumda mamlakat chempioniga aylangandi.

2017/18 yilgi mavsumdan buyon chempionlikni faqat “Srvena Zvezda” qo‘lga kiritmoqda. Klub 11 ta g‘alaba bilan Serbiyada eng sovrindor jamoa hisoblanadi. "Partizan"da 8 ta unvon bor.