“Црвена Звезда” кетма-кет 7-марта Сербия чемпионига айланди.

Кеча Белград жамоаси "Бачка Топола" клубини мағлуб этди (2:1) ва 84 очко жамғариб, муддатидан аввал чемпионликни қўлга киритди.

Энг яқин рақиб “Партизан” чемпионат тугашига 4 тур қолганда 70 очкога эга, 14 очко кам. Бу жамоа охирги марта 2016/2017 йилги мавсумда мамлакат чемпионига айланганди.

2017/18 йилги мавсумдан буён чемпионликни фақат “Црвена Звезда” қўлга киритмоқда. Клуб 11 та ғалаба билан Сербияда энг совриндор жамоа ҳисобланади. "Партизан"да 8 та унвон бор.