"Liverpul" bosh murabbiyi Yurgen Klopp jamoaning Chempionlar ligasi yo‘llanmasini qo‘lga kiritgani haqida fikr bildirdi.
"Yakunga uch tur qolganida biz Chempionlar ligasidagi o‘rnimizni qo‘lga kiritdik, bu esa yutuq. Mavsum davomida maqsadlar shunday o‘zgarishi mumkin, chunki biz bir muddat chempionlik poygasida uzoqroq qolishimiz mumkin deb o‘ylagandik. Bu ish bermadi, lekin biz juda yaxshi natija ko‘rsatgan ikkita jamoadan ortda qoldik. Matematik jihatdan hali chempion bo‘lishimiz mumkinligini bilaman", - dedi Klopp matbuot anjumanida.
“Liverpul” navbatdagi o‘yinini 5 may, yakshanba kuni o‘z maydonida “Tottenxem”ga qarshi o‘tkazadi.
