"Ливерпуль" бош мураббийи Юрген Клопп жамоанинг Чемпионлар лигаси йўлланмасини қўлга киритгани ҳақида фикр билдирди.
"Якунга уч тур қолганида биз Чемпионлар лигасидаги ўрнимизни қўлга киритдик, бу эса ютуқ. Мавсум давомида мақсадлар шундай ўзгариши мумкин, чунки биз бир муддат чемпионлик пойгасида узоқроқ қолишимиз мумкин деб ўйлагандик. Бу иш бермади, лекин биз жуда яхши натижа кўрсатган иккита жамоадан ортда қолдик. Математик жиҳатдан ҳали чемпион бўлишимиз мумкинлигини биламан", - деди Клопп матбуот анжуманида.
“Ливерпуль” навбатдаги ўйинини 5 май, якшанба куни ўз майдонида “Тоттенхэм”га қарши ўтказади.
