Insayder Fabrisio Romano yarim himoyachi Jovani lo Chelsoning "Tottenxem"ni tark etishi mumkinligi haqida gapirdi.

Argentinalik futbolchi “shporlar”ning asosiy tarkibiga kira olmayapti – ko‘p o‘yinlarda u final hushtagi yangrashiga oz vaqt qolganda zaxiradan maydonga tushadi. Insayder Fabrisio Romanoning so‘zlariga ko‘ra, bu holat 28 yoshli futbolchiga to‘g‘ri kelmaydi, shuning uchun uning yozgi transfer oynasida ketish ehtimoli ancha yuqori baholanmoqda.

Jovani lo Chelso bu mavsumda Ange Postekoglu jamoasi safida 21 ta o‘yinda maydonga tushib, 2 ta gol va 2 ta golli uzatmaga mualliflik qilgan. Transfermarkt ekspertlari yarim himoyachining narxini 16 million yevroga baholamoqda.