Инсайдер Фабрицио Романо ярим ҳимоячи Жовани ло Чельсонинг "Тоттенхэм"ни тарк этиши мумкинлиги ҳақида гапирди.
Аргентиналик футболчи “шпорлар”нинг асосий таркибига кира олмаяпти – кўп ўйинларда у финал ҳуштаги янграшига оз вақт қолганда захирадан майдонга тушади. Инсайдер Фабрицио Романонинг сўзларига кўра, бу ҳолат 28 ёшли футболчига тўғри келмайди, шунинг учун унинг ёзги трансфер ойнасида кетиш эҳтимоли анча юқори баҳоланмоқда.
Жовани ло Чельсо бу мавсумда Анге Постекоглу жамоаси сафида 21 та ўйинда майдонга тушиб, 2 та гол ва 2 та голли узатмага муаллифлик қилган. Transfermarkt экспертлари ярим ҳимоячининг нархини 16 миллион еврога баҳоламоқда.
