"Liverpul" hujumchisi Darvin Nunyes "Barselona"ning maqsadlaridan biri.
"Blaugrana"ning amaldagi hujumchisi Robert Levandovskining yangi mavsumdagi maoshi yiliga 30 million yevrodan oshadi - bu klubning umumiy limitining taxminan 15 foizini tashkil qiladi, deya xabar beradi The Sun. Shu sababli, manbaning xabariga ko‘ra, "Barselona" 35 yoshli polyak bilan xayrlashib, uning o‘rniga "Liverpul"dan Darvin Nunyesni qo‘lga kiritishi mumkin. Urugvaylik futbolchining kutilayotgan maoshi Levandovskinikidan taxminan 4 baravar kam bo‘ladi.
Transfermarkt ekspertlari Nunyesning narxini 70 million yevroga baholamoqda. Joriy mavsumda 24 yoshli futbolchi “Liverpul” safida 51 ta o‘yinda maydonga tushib, 18 ta gol va 13 ta golli uzatmani amalga oshirdi.
