"Ливерпуль" ҳужумчиси Дарвин Нуньес "Барселона"нинг мақсадларидан бири.

"Блауграна"нинг амалдаги ҳужумчиси Роберт Левандовскининг янги мавсумдаги маоши йилига 30 миллион евродан ошади - бу клубнинг умумий лимитининг тахминан 15 фоизини ташкил қилади, дея хабар беради The Sun. Шу сабабли, манбанинг хабарига кўра, "Барселона" 35 ёшли польяк билан хайрлашиб, унинг ўрнига "Ливерпуль"дан Дарвин Нуньесни қўлга киритиши мумкин. Уругвайлик футболчининг кутилаётган маоши Левандовскиникидан тахминан 4 баравар кам бўлади.

Transfermarkt экспертлари Нуньеснинг нархини 70 миллион еврога баҳоламоқда. Жорий мавсумда 24 ёшли футболчи “Ливерпуль” сафида 51 та ўйинда майдонга тушиб, 18 та гол ва 13 та голли узатмани амалга оширди.