La Liga 2023/24 yilgi mavsum chempioniga aylangan Madridning "Real" klubi kelasi hafta unvonni muxlislari bilan nishonlaydi.
AS xabariga ko‘ra, madridliklar La Ligadagi g‘alabasini nishonlash marosimi kelasi yakshanba (12 may) kuni Toshkent vaqti bilan soat 14:00 da bo‘lib o‘tadi.
Avvaliga "Los Blankos" Ispaniya poytaxti meriyasiga tashrif buyuradi, shundan so‘ng ular o‘z muxlislarini ko‘rish uchun Sibeles maydoniga boradilar.
Avvalroq, "qirollik klubi" "Bavariya" bilan o‘yin oldidan chalg‘imaslik maqsadida nishonlashni keyinroqqa qoldirgandi.
