"Manchester Yunayted" bosh murabbiyi Erik ten Xag murabbiylik faoliyatida avval hech qachon bu mavsumdagidek jarohatlar epidemiyasiga duch kelmaganini aytdi. Eslatib o‘tamiz, mankunianliklar ayni damda Premyer-liga turnir jadvalida sakkizinchi o‘rinni egallab turibdi.
"Deyarli 10 yildan beri murabbiylik qilaman, biroq bu vaqt ichida hech qachon bu mavsumdagidek jarohatlar bilan bog‘liq muammolarga duch kelmaganman. Hozir ba’zi pozisiyalarda bizda umuman tanlov yo‘q. Chap qanot himoyachisi Lyuk Shou bor-yo‘g‘i 15 marta maydonga tushdi, Tirell Malasia esa birorta ham o‘yinda ishtirok etmagan va hali ham tarkibda emas”, dedi Ten Xag matbuot anjumanida.
Avvalroq Erik mavsum yakunida ishidan ayrilishi mumkinligi haqida xabar berilgandi.
