Bilbaoning "Atletik" jamoasida to‘p tepayotgan Niko Uilyams "Barselona"ga o‘tishga qiziqmoqda.

21 yoshli futbolchi navbatdagi transfer oynasi uchun "blaugrana"ning maqsadlaridan biri sanaladi - mish-mishlarga ko‘ra, bosh murabbiy Xavi Ernandes Ispaniya terma jamoasi vingeri bilan shartnoma imzolashga shaxsan qiziqish bildirmoqda. Jurnalist Toni Xuanmarti xabar berishicha, Uilyamsning o‘zi ham o‘zini "Barselona"da sinab ko‘rishga tayyor. Avvalroq u "Atletik Bilbao" bilan amaldagi shartnomasini uzaytirgandi.

Niko Uilyams ushbu mavsumda 34 ta o‘yinda maydonga tushib, 7 ta gol va 16 ta golli uzatmaga mualliflik qilgan. Transfermarkt ekspertlari futbolchining narxini 50 million yevroga baholamoqda.