Бильбаонинг "Атлетик" жамоасида тўп тепаётган Нико Уильямс "Барселона"га ўтишга қизиқмоқда.
21 ёшли футболчи навбатдаги трансфер ойнаси учун "блауграна"нинг мақсадларидан бири саналади - миш-мишларга кўра, бош мураббий Хави Эрнандес Испания терма жамоаси вингери билан шартнома имзолашга шахсан қизиқиш билдирмоқда. Журналист Тони Хуанмарти хабар беришича, Уильямснинг ўзи ҳам ўзини "Барселона"да синаб кўришга тайёр. Аввалроқ у "Атлетик Бильбао" билан амалдаги шартномасини узайтирганди.
Нико Уильямс ушбу мавсумда 34 та ўйинда майдонга тушиб, 7 та гол ва 16 та голли узатмага муаллифлик қилган. Transfermarkt экспертлари футболчининг нархини 50 миллион еврога баҳоламоқда.
