Kataloniyaning "Barselona" klubi sobiq prezidenti Sandro Rosel o‘zini jamoa tarixidagi eng yaxshi yetakchi deb hisoblaydi. Ispaniyalik 2010 yildan 2014 yilgacha klub prezidenti bo‘lgan. Bu davrda “ko‘k-anorranglilar” bir marta Chempionlar ligasi, ikki marta mamlakat chempionligi va ikki marta Ispaniya kubogi sohibi bo‘lishdi.
“Agar yutgan sovrinlar va boshqargan yillarni hisoblasangiz, men “Barselona” tarixidagi eng yaxshi prezidentman. Bartomeu ikkinchi o‘rinda, Laporta esa faqat uchinchi o‘rinda", - deya Roselning so‘zlaridan iqtibos keltiradi Managing Barca.
Bir vaqtlar Sandro firibgarlik uchun qamoqda o‘tirgan, u "Barselona" prezidenti sifatida olib borilgan ishlarda ayblangan.
