"Chelsi", "PSJ", "Manchester Yunayted", "Inter" va "Nyukasl" Jyul Kundeni qo‘lga kiritish uchun da’vogarlar.

Mundo Deportivo'ning ta’kidlashicha, kataloniyaliklar himoya chizig‘ini to‘liq yangilamoqchi va shuning uchun ba’zi futbolchilar klubni tark etishi mumkin.

Kunde, shuningdek, Ronald Arauxo va Andreas Kristensen kelasi yozda klubni tark etishi mumkin.

Biroq, fransiyalik himoyachi bu yil "Barsa"ning eng yaxshi o‘yinchilaridan biri bo‘ldi. U birorta ham golda xatoga yo‘l qo‘ymadi, bu esa klubga mavsumda 16 ta o‘yinda o‘z darvozasi daxlsizligini saqlab qolishga yordam berdi.

Kunde hisobida to‘rtta golli uzatma va ikkita gol bor. “Barsa” Kundeni 2022 yilda “Sevilya”dan 50 million yevroga sotib olgandi.