Kelayotgan yozda Kilian Mbappe "PSJ"dan "Real"ga o‘tishi kutilmoqda. Transfer News Live nashrining Relevo nashriga tayanib xabar berishicha, Madridning ba’zi futbolchilari Chempionlar ligasi yarim finalida Dortmundning "Borussiya"siga qarshi o‘yindan so‘ng "PSJ"ning turnirdan chiqib ketishidan qo‘rqishmoqda.
O‘yinchilarning qo‘rquvi shundaki, agar "PSJ" YECHLdan chiqib ketsa, Mbappe o‘zining Madridga o‘tishi haqida e’lon qilishi mumkin, bu esa jamoa "Bavariya"ni mag‘lub etib, Chempionlar Ligasi finaliga chiqsa, "Real"ning mavsumining so‘nggi qismiga soya soladi.
Eslatib o‘tamiz, "Real Madrid" allaqachon Ispaniya chempioniga aylangandi. Hozirda Karlo Anchelotti jamoasi bor e’tiborini Chempionlar ligasiga qaratgan.
