La Liga, Ispaniya Milliy Polisiyasining Milliy sport boshqarmasi, Ispaniya Qirollik futbol federasiyasi (RFEF) va Ispaniya futbol jamoalari shifokorlari assosiasiyasi (AEMEF) vakillari birgalikda professional futbol stadionlaridagi voqealarni muhokama qilish va tahlil qilishdi. Bu haqda Liga sayti xabar bermoqda.
Maydonda va tribunalarda, ba’zi hollarda stadionlar yaqinida sodir bo‘lgan voqealar bo‘yicha UCO (Tashkiliy nazorat bo‘limi) va hakamlik guruhi o‘rtasida protokolni kelishishda tomonlar o‘rtasida muvaffaqiyatga erishildi. Maqsad muxlislar va o‘yinchilar uchun xavfsiz muhitni ta’minlash, shu bilan birga hozir bo‘lgan turli mutaxassislar: xavfsizlik kuchlari, paramediklar, xususiy xavfsizlik xodimlari va boshqalardan tez va samarali javob berishdir.
Shuningdek, FIFA bayonnomasi asosida ishlab chiqilgan futboldagi zo‘ravonlik, irqchilik, ksenofobiya va murosasizlikka qarshi amaldagi protokol, uni qo‘llash holatlari va mumkin bo‘lgan choralar, jumladan, o‘yinlarni to‘xtatib turish masalalari ham tahlil qilindi.
