Madridning “Real” klubi yarim himoyachisi Jud Bellingem Chempionlar ligasi yarim finali javob uchrashuvida “Bavariya” ustidan qozonilgan g‘alabadan so‘ng (2:1) finaldan umidlari bilan o‘rtoqlashdi.
“Zidan - mening namunam. Men uning birinchi finalida "Real" safida qilgan ishini takrorlashni istardim. Men juda hursandman. Mening oilam bu o‘yinni tribunadan tomosha qildi va bu g‘alaba ta’mini yanada shirin qildi. "Real" bilan birinchi Chempionlar ligasi finalim juda hissiyotlarga boy bo‘ladi. Bu aqldan ozgan! Ishonish mumkin emas! Ehtimol, bu sodir bo‘lishi mumkin bo‘lgan yagona yo‘ldir. Mening birinchi finalim. Angliyada "Borussiya"ga qarshi. Biz ularga hurmat ko‘rsatishimiz kerak - ular bu finalga munosib edilar. Eski do‘stlarni ko‘rish yoqimli bo‘ladi. Menimcha, telefonimni ertaga ertalabgacha o‘chirganim ma’qul", - deya Bellingemning so‘zlarini keltiradi UEFA matbuot xizmati.
Madridliklar umumiy hisobda g‘alaba qozonishdi (2:2 va 2:1), shuning uchun ular Chempionlar ligasi finaliga yo‘l oldi va u yerda "PSJ"ni mag‘lub etgan "Borussiya" bilan uchrashadi. Final 1 iyun kuni "Uembli"da bo‘lib o‘tadi.
