"Jirona" "Barselona" markaziy himoyachisi Pau Kubarsiga qiziqish bildirmoqda.
Payshanba kuni kataloniyaliklar 17 yoshli futbolchi bilan shartnomani 2027 yilga qadar uzaytirganini ma’lum qilishdi. Sport nashri xabariga ko‘ra, vunderkind yangi mavsumni boshqa klubda o‘tkazishi mumkin: Chempionlar ligasida ishtirok etadigan "Jirona" markaziy himoyachini ijaraga olmoqchi. Biroq, bunday kelishuvni amalga oshirish oson bo‘lmaydi.
Pau Kubarsi "Barselona" asosiy jamoasi safida barcha musobaqalarda 20ta o‘yinda qatnashib, bitta golli uzatmani amalga oshirdi. Transfermarkt portali ekspertlari istiqbolli ispaniyalikning narxini 25 million yevroga baholamoqda.
