“Roma” bosh murabbiyi Daniele de Rossi bajarilgan ishlardan mamnun. Italiyalik mutaxassis yanvar oyida ishdan bo‘shatilgan Joze Mourinyoning o‘rnini egallagan holda hozirgi lavozimiga kirishdi.
De Rossi qo‘l ostida “Roma” Chempionlar ligasi yo‘llanmasi uchun kurashga qaytdi va Yevropa ligasining yarim finaliga qadar yetib bordi.
Jamoaning muvaffaqiyati haqida gapirar ekan, De Rossi o‘tgan yil boshida "SPAL" tomonidan qanday iste’foga chiqarilganini esladi:
"Atigi bir yil oldin meni Italiya B seriyasidagi klubdan bo‘shatishgandi. Menimcha, «Roma»ning atigi to‘rt-beshta murabbiyi yevrokuboklar yarim finalida qatnashgan.
Shuning uchun men juda faxrlanaman. Ha, men har bir o‘yinda yangi narsalarni o‘rganaman, bu men uchun foydali tajriba bo‘ladi", dedi de Rossi “Bayer” bilan javob o‘yinidan (2:2) keyin Sky Sports nashriga bergan intervyusida.
