“Рома” бош мураббийи Даниэле де Росси бажарилган ишлардан мамнун. Италиялик мутахассис январь ойида ишдан бўшатилган Жозе Моуриньонинг ўрнини эгаллаган ҳолда ҳозирги лавозимига киришди.
Де Росси қўл остида “Рома” Чемпионлар лигаси йўлланмаси учун курашга қайтди ва Европа лигасининг ярим финалига қадар етиб борди.
Жамоанинг муваффақияти ҳақида гапирар экан, Де Росси ўтган йил бошида "СПАЛ" томонидан қандай истеъфога чиқарилганини эслади:
"Атиги бир йил олдин мени Италия Б сериясидаги клубдан бўшатишганди. Менимча, «Рома»нинг атиги тўрт-бешта мураббийи еврокубоклар ярим финалида қатнашган.
Шунинг учун мен жуда фахрланаман. Ҳа, мен ҳар бир ўйинда янги нарсаларни ўрганаман, бу мен учун фойдали тажриба бўлади", деди де Росси “Байер” билан жавоб ўйинидан (2:2) кейин Sky Sports нашрига берган интервьюсида.
