2016 yilda Lui van Gal “Manchester Yunayted”ni Angliya kubogida g‘alabaga erishtirdi, ammo bu niderlandiyalikni iste’fodan qutqarib qolmadi. “Qizil iblislar”ning amaldagi boshqaruvchisi Erik ten Xag tarix takrorlanishi mumkinmi degan savolga javob berdi.
"Yo‘q. Menimcha, rahbarlarning aqli bor. Ular 32 xil himoya variantidan foydalanganimizni va sakkizta markaziy himoyachini yo‘qotganimizni ko‘rdilar. Bu esa natijalarga salbiy ta’sir ko‘rsatishi aniq.
Nega mag‘lubiyatga uchraganimizni bilamiz. Men tahlil qilishni biladigan realistman. Hech bir jamoa bunchalik ko‘p jarohatlar bilan muvaffaqiyatga erisha olmadi”, dedi Ten Xag matbuot anjumanida.
"Manchester Yunayted" va "Manchester Siti" o‘rtasidagi Angliya kubogi finali 25 may kuni bo‘lib o‘tadi.